Аҙ тәьмин ителгәндәр өсөн район гәзиттәренә яҙылыуға — 134 миллион һум

ӨФӨ, 2018 йыл, 5 сентябрь. /«Башинформ» мәғлүмәт агентлығы/. Муниципалитеттар халыҡтың льготалы һәм аҙ тәьмин ителгән категорияларына ижтимағи-сәйәси район һәм ҡала матбуғатына яҙылыуға матди ярҙам бүлеү тураһында ҡарар ҡабул итә алыр ине, тип иҫәпләй кисә Өфөлә үткән медиафорумда ҡатнашыусылар. Йомғаҡлау резолюцияһы проектына аҙ тәьмин ителгән граждандарға баҫма киң мәғлүмәт сараларына яҙылыуға һәм интернетҡа инеүгә ярҙам механизмдарын төҙөү тәҡдиме индерелде.

«Башҡортостан Республикаһы» нәшриәт йорто иҫәпләүҙәре буйынса, республика райондарында ошо категорияға ҡараған 93 мең самаһы гражданға яҙылыу ойоштороу өсөн йылына 134 миллион һум кәрәк. Иҫәптә дәүләт ҡала, берләштерелгән һәм район ваҡытлы баҫмалары ғына иҫәпкә алынған. Проектты республика ҡаҙнаһынан финанслау күҙ уңында тотола.

http://www.bashinform.ru/news/1205709-na-mediaforume-v-ufe-predlozhili-subsidirovat-podpisku-na-smi-dlya-maloimushchikh-grazhdan/