Башҡортостан һәм Өфө яңылыҡтары
69.34
0
75.41
0
86.41
-1.06
-10 °C
Болотло
Бөтә яңылыҡтар
Иҡтисад
24 Август 2018, 09:56

Башҡортостан Хөкүмәтендә ит етештереү күләменә бәйле борсолоу белдерәләр

ӨФӨ, 2018 йыл, 24 август. /«Башинформ» мәғлүмәт агентлығы, Эльвира Латипова/. Башҡортостанда ит етештереү тәүге ярты йыллыҡта 6%, йәки 8,6 мең тоннаға кәмегән. Быға Мәләүез районындағы Мәжит Ғафури исемендәге Башҡортостан ҡошсолоҡ комплексының ябылыуы сәбәпсе. Уның өлөшөнә ете меңдән ашыу тонна ит тура килә ине. Был хаҡта республика Хөкүмәте ултырышында Хөкүмәт Премьер-министры урынбаҫары, ауыл хужалығы министры Илшат Фәзрахманов хәбәр итте.
«Бөгөн объект консервацияланған, арбитраж идара итеү бара. Бурыстар — 16 миллиард һум самаһы», — тине вице-премьер.
Мәжит Ғафури исемендәге Башҡортостан ҡошсолоҡ комплексы («Индюшкин» бренды) уҙған йылға тиклем Рәсәйҙә күркә итен етештергән ҙур хужалыҡтарҙың береһе ине. Компания хужалары — эшҡыуарҙар Марсель Йосопов һәм Дамир Камилов. Мартта предприятиела һалым органдары башланғысы менән күҙәтеү процедураһы индерелгәйне.
http://www.bashinform.ru/news/1200920-proizvodstvo-myasa-v-bashkirii-sokratilos-na-6-iz-za-ostanovki-meleuzovskogo-predpriyatiya/
Читайте нас в