ӨФӨ, 2018 йыл, 6 август. /«Башинформ» мәғлүмәт агентлығы, Эльмира Сабирова/. Рәсәй Президенты Владимир Путин өҫтәмә хаҡҡа һалымды 18 проценттан 20 процентҡа тиклем арттырыу тураһында законға ҡул ҡуйҙы. Ул 2019 йылдың 1 ғинуарынан үҙ көсөнә инә. Документтың тексы рәсми хоҡуҡи мәғлүмәт
порталында баҫылған. Унда, атап әйткәндә, төп хеҙмәттәр һәм социаль әһәмиәтле тауарҙар өсөн өҫтәмә хаҡҡа һалым 10 процент кимәлендә ҡала тиелә. Аҙыҡ-түлек (деликатестарҙан тыш), балалар тауарҙары, дарыуҙар, медицина тауарҙары, шулай уҡ мәғариф, фән һәм мәҙәниәт менән бәйле әҙәбиәт өсөн һалымдың льготалы ставкаһы һаҡлана. Эске авиаташыуҙарға һалым һалынмай.