Башҡортостан һәм Өфө яңылыҡтары
69.34
0
75.41
0
86.41
-1.06
-10 °C
Болотло
Бөтә яңылыҡтар
Иҡтисад
3 Август 2018, 11:25

Башҡортостанда заманса стандарттар буйынса малсылыҡ комплексы барлыҡҡа киләсәк

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2018 йыл, 3 август. /«Башинформ» мәғлүмәт агентлығы, Эльмира Сабирова/. Республиканың Ҡалтасы һәм Борай райондарында дөйөм 5 мең баш һыйыр малы менән яңы ҙур фермалар барлыҡҡа киләсәк. Бынан тыш, Яңауылда ҡаты сыр етештереү буйынса завод төҙөйҙәр. «Еңеү» яуаплылығы сикләнгән йәмғиәтенең ошо инвестиция проекты 2021 йылғаса ғәмәлгә ашырыла. Ул предприятиела һөт етештереүҙе һәм эшкәртеүҙе киңәйтеүҙе күҙ уңында тота. Уның дөйөм хаҡы – 2 миллиард 300 миллион һум, тип мәғлүмәт бирҙеләр Башҡортостандың Ауыл хужалығы министрлығының матбуғат хеҙмәтендә.
Әлеге ваҡытта малсылыҡ комплексының беренсе сираттағы төҙөлөшө тормошҡа ашырыласаҡ майҙансыҡҡа төҙөүсе ингән: техника килтерелгән, электр тапшырыу линияһы һуҙылған, эшселәр өсөн вагонсыҡтар ҡуйылған.
«Оҙаҡламай был урында заманса ҡорамалдар менән йыһазландырылған яңы малсылыҡ комплексы эшләй башлай, - тип билдәләне республиканың ауыл хужалығы министры Илшат Фәзрахманов. - Проектты тормошҡа ашырыу өсөн яҡшы логистика менән һәйбәт ер участкаһы һайланған, дәүләт экспертизаһы һығымталары, төҙөү эштәренә рөхсәт алынған, планлаштырыу буйынса эштәр башҡарылған, төҙөлөш һәм ҡорамалдар менән тәьмин итеү буйынса килешеүҙәр төҙөлгән».
http://www.bashinform.ru/news/1193014-v-bashkirii-poyavitsya-zhivotnovodcheskiy-kompleks-po-samym-sovremennym-standartam/
Автор:Эльмира Сабирова
Читайте нас в