Авиабилеттарҙың күпмегә ҡиммәтләнеүе билдәле булды

ӨФӨ, 2018 йыл, 25 июль. /«Башинформ» мәғлүмәт агентлығы, Ғәлиә Нәбиева/. Яғыулыҡтың ҡиммәтләнеүе менән бәйле «Аэрофлот» төркөмө авиакомпаниялары үҙ рейстарына билетҡа хаҡтарҙың артыуы тураһында иҫкәртте. Был турала «Коммерсантъ» гәзите хәбәр итә. 26 июлдән ташыусы төркөмдөң бөтә авиакомпанияларының эске рейстарына билет өсөн яғыулыҡ иғәнәһен арттыра (ташыусының коммерция идаралығында булмаған «Еңеү»ҙән тыш), тиелгән баҫылып сыҡҡан мәғлүмәттә. Билетҡа хаҡтар эконом-класс һәм «комфорт» өсөн осош сегментына 200 һумға һәм бизнес-класс өсөн 400 һумға арта. Үҫештең 26 июлдән түләнгән бөтә бронләүҙәргә лә ҡағылыуы ихтимал. «Аэрофлот»та баҫмаға аңлатма биреүҙән баш тартҡандар.

Бынан тыш, ҡайһы бер сит ил авиакомпаниялары халыҡ-ара рейстарға 20-40 евроға яғыулыҡ иғәнәләре үҫеше тураһында иҫкәрткән. Шул уҡ ваҡытта Qatar Airways авиакомпанияһы үҙ клиенттарына тарифтарҙы 28 июндән аҡрынлап арттырыу хаҡында иҫкәрткән.

Thomson Reuters Kortes аналитика агентлығының 20 июлгә ҡарата мәғлүмәттәре буйынса, Рәсәй аэропорттарында авиация кәрәсине йыл башынан 7,8 процентҡа ҡыйбатланған, тип хәбәр итә ТАСС агентлығы.

http://www.bashinform.ru/news/1189614-stalo-izvestno-na-skolko-podorozhayut-aviabilety-/