26 июлдә Өфөлә транспорт һәм элемтә предприятиеларының вакансиялар йәрминкәһе үтә

ӨФӨ, 2018 йыл, 25 июль. /«Башинформ» мәғлүмәт агентлығы, Галина Бахшиева/. 26 июлдә Башҡортостандың баш ҡалаһында транспорт һәм элемтә өлкәһендәге предприятиеларҙың вакансиялар йәрминкәһе үтә.

Тәҡдим ителәсәк вакансиялар араһында – водитель, кондуктор, автомобилде ремонтлау буйынса слесарь, механик, тейәгес водителе, бульдозер, автогрейдер, экскаватор машинисы, шулай уҡ механик, тракторсы, ремонтлау һәм хеҙмәтләндереү буйынса электр монтеры, тәгәрмәс алмаштырыусы һәм башҡа эш урындары. Йәрминкәгә килеүселәргә ғәҙәттәгесә мәшғүллек өлкәһендә дәүләт хеҙмәттәре күрһәтелә. Шулай уҡ хеҙмәт баҙарындағы хәл тураһында мәғлүмәт, компьютер диагностикаһы, психолог кәңәштәре, һөнәри йүнәлеш буйынса консультация биреү ҡаралған.

Бөтә хеҙмәттәр ҙә бушлай, тип айырып әйттеләр Өфөләге Халыҡ мәшғүллеге үҙәгендә.

Йәрминкәне үткәреү урыны һәм ваҡыты — Ибраһимов бульвары, 47/1, иртәнге сәғәт 10-дан 12-гә тиклем.

http://www.bashinform.ru/news/1189566-26-iyulya-v-ufe-sostoitsya-yarmarka-vakansiy-predpriyatiy-transporta-i-svyazi/