Башҡортостан – һыйыр ите, һөт һәм бал етештереү буйынса алдынғыларҙа

ӨФӨ, 2018 йыл, 24 июль. /«Башинформ» мәғлүмәт агентлығы/. 2017 йылғы йомғаҡтар буйынса Башҡортостан Республикаһы эре мөгөҙлө мал башы һәм һыйыр ите етештереү буйынса Рәсәй төбәктәре рейтингында беренсе урынды биләй. Республиканың ауыл хужалығы уңыштарын, төбәккә хәл итергә кәрәк бурыстарҙы, шулай уҡ агросәнәғәт өлкәһендәге үҫеш перспективаларын Башҡортостан Башлығы Рөстәм Хәмитов һәм Рәсәйҙең ауыл хужалығы министры Дмитрий Патрушев эшлекле осрашыу барышында тикшерҙе.

Йылҡы башы буйынса Башҡортостан илдә өсөнсө урында тора. Республика шулай уҡ тауар балы һәм ҡымыҙ етештереү буйынса беренсе урынды биләй.

«Дмитрий Николаевич Башҡортостанды Рәсәй Федерацияһының ауыл хужалығы етештереүендә төп төбәктәрҙең береһе булыуын раҫланы, – тине Рөстәм Хәмитов. – Башҡортостан аграрийҙары һәйбәт эшләй һәм бөгөнгө көнгә республика биләмәһендә барыһы ла уңышлы бара тип билдәләнде».

Хәтерегеҙгә төшөрәбеҙ, 2017 йылғы йомғаҡтар буйынса тулайым ауыл хужалығы продукцияһы күләме 170 миллиард һумдан ашып киткән. Ауыл хужалығы продукцияһын етештереү индексы 2,8 процентҡа артҡан (илдә уртаса – 2,4 процентҡа).

http://www.bashinform.ru/news/1189198-bashkortostan-v-liderakh-po-proizvodstvu-govyadiny-moloka-i-myeda/