Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Иҡтисад
20 Июль 2018, 16:20

Талбазы ауылының көнбайыш урау юлын төҙөргә күҙаллайҙар

Башҡортостандың Транспорт һәм юл хужалығы буйынса дәүләт комитеты
Башҡортостандың Транспорт һәм юл хужалығы буйынса дәүләт комитеты
ӨФӨ, 2018 йыл, 20 июль. /«Башинформ» мәғлүмәт агентлығы/. Башҡортостанда Талбазы ауылының көнбайыш урау юлын – муниципаль-ара тәғәйенләнештәге автомобиль юлын төҙөү күҙаллана, тип хәбәр иттеләр республиканың Транспорт буйынса дәүләт идаралығында. Юл район үҙәге урамдарын бушатыу өсөн кәрәк. Төҙөлөш 5,6-шәр һәм 3,9-шар саҡрым ике этапҡа бүленгән. Проектты «Уралдортранс» дәүләт унитар предприятиеһы әҙерләгән, дәүләт экспертизаһы ыңғай һығымта биргән. Эштәрҙең дөйөм хаҡы 341 миллион һум тәшкил итә. Был проект федераль бюджеттан аҡса алып булған осраҡта тормошҡа ашырыласаҡ: тейешле ғариза Рәсәйҙең Иҡтисади үҫеш министрлығына ебәрелгән, тип аңлаттылар Дәүләт транспорт комитетында.
Шулай уҡ Талбазы өсөн мөһим мәсьәлә булып кирбес заводтары тирәһендә Ырымбур трассаһына сығыу менән сиселеш төҙөү һәм Төньяҡ биҫтәһенең урам-юл селтәрен үҫтереү тора, тип хәбәр иттеләр район хакимиәтендә.
http://www.bashinform.ru/news/1188133-v-bashkirii-planiruyut-stroit-zapadnyy-obkhod-raytsentra-tolbazy/
Автор:«Башинформ» мәғлүмәт агентлығы
Читайте нас в