Башҡортостан һәм Өфө яңылыҡтары
70.38
0
76.73
0
80.19
+0.25
-21 °C
Болотло
Бөтә яңылыҡтар
Иҡтисад
19 Июль 2018, 09:30

Дәүләт Думаһы НДС-ты күтәреү тураһында закон проектын икенсе уҡыуҙа ҡабул итте

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2018 йыл, 19 июль. /«Башинформ» мәғлүмәт агентлығы/. Дәүләт Думаһы 2019 йылдың 1 ғинуарынан башлап өҫтәлгән хаҡҡа һалымды (НДС) 18-ҙән 20 процентҡа тиклем күтәреү тураһында закон проектын икенсе уҡыуҙа ҡабул итте, тип хәбәр итә федераль киң мәғлүмәт саралары. Хөкүмәт уны Дәүләт Думаһына 16 июндә индерҙе, беренсе уҡыу 3 июлдә үтте, 16 июлдә закон проектын Дәүләт Думаһының бюджет һәм һалым буйынса комитеты икенсе уҡыуға хупланы, тип хәтергә төшөрә «Ведомости».
Закон проекты менән шулай уҡ мотлаҡ пенсия страховкалауына страховка иғәнәләренең тарифы билдәләнә. Хәҙер законда регрессив шкала беркетелгән – тариф эш хаҡына бәйле. Ул 85 000 һумдан түбән булһа, тариф – 22 процент, юғары икән – иғәнә артыуҙан 10 процент ставкаһы буйынса түләнә.
Закон проекты нигеҙен башҡарған Финанс министрлығы иҫәптәре буйынса, НДС-ты 2 процентҡа арттырыу бюджетҡа киләсәктә артабанғы үҫеш менән йылына өҫтәмә 620 миллиард һум бирәсәк. Өҫтәлгән хаҡҡа һалымды 20 процентҡа тиклем арттырған хәлдә дә инфляция 2019 йылда 4-4,5 процент кимәлендә ҡаласаҡ, тип иҫәпләй Финанс министрлығы.
http://www.bashinform.ru/news/1187691-gosduma-prinyala-zakonoproekt-o-povyshenii-nds-vo-vtorom-chtenii/
Автор:«Башинформ» мәғлүмәт агентлығы
Читайте нас в