Республикала ярты йыл өсөн 213,5 миллиард һум һалым һәм иғәнә йыйғандар

ӨФӨ, 2018 йыл, 17 июль. /«Башинформ» мәғлүмәт агентлығы/. Федераль һалым хеҙмәтенең Башҡортостан буйынса идаралығы мәғлүмәттәре буйынса, республикала ғинуар-июнь өсөн 213 миллиард 518 миллион һум һалым һәм иғәнә йыйылған. Федераль бюджетҡа – 112 миллиард 579 миллион һум, республиканың йыйылма бюджетына 83 миллиард 774 миллион һум кергән. Керемдең төп күләме файҙалы ҡаҙылма байлыҡтар сығарыуға – 31,6 процент йәғни 67,45 миллиард һәм килем һалымына – 23 процент йәки 49,4 миллиард һум тура килә. Акциздар ҡаҙнаға – 15,3 процент йәғни 32,6 миллиард һум, физик шәхестәр табышына һалым – 11,6 процент йәки 24,84 миллиард, өҫтәлгән хаҡҡа һалым – 11,6 процент йәки 24,68 миллиард, мөлкәт һалымы – 4,1 процент йәки 8,7 миллиард һум, махсус һалым режимдары 2 процент йәки 4,23 миллиард һум килтергән.

Мотлаҡ социаль страховкалауға беренсе ярты йыллыҡта иғәнәләр кереме 50,62 миллиард һум тәшкил иткән.

http://www.bashinform.ru/news/1186842-v-bashkirii-za-polgoda-sobrali-213-5-mlrd-nalogov-i-sborov/