Башҡортостан власы Moody's Investors Service рейтинг агентлығына мәғлүмәт бирҙе

ӨФӨ, 2018 йыл, 12 июль. /«Башинформ» мәғлүмәт агентлығы/. Башҡортостандың Финанс министрлығы Moody's Investors Service халыҡ-ара рейтинг агентлығы вәкилдәре менән видеоконференция ойошторҙо. Осрашыуҙа шулай уҡ республиканың Иҡтисади үҫеш министрлығы етәкселәре ҡатнашты. Улар Башҡортостан Республикаһының 2017 йылдағы төп социаль-иҡтисади күрһәткестәре менән таныштырҙы. Әңгәмәлә ҡатнашыусылар 2018-2020 йылдарға фараздар нигеҙенә һалынған төп тәүшарттарға, республиканың инвестиция үҫешенә, инвестиция эшмәкәрлеге алып барыу өсөн уңайлы шарттар булдырыу буйынса хөкүмәт кимәлендә уҙғарылған сараларға туҡталып үтте.

Moody's Investors Service халыҡ-ара рейтинг агентлығы Standard & Poor’s һәм Fitch Ratings менән бер рәттән тәүге өс ҙур халыҡ-ара рейтинг агентлығына инә. Уларҙың төп бурысы – донъя кредит баҙарына субъекттарҙың кредит һәләтлегенә бойондороҡһоҙ баһа биреү.

http://www.bashinform.ru/news/1185336-vlasti-bashkirii-predostavili-dannye-reytingovomu-agentstvu-moody-s-investors-service/