Республика аграрийҙары мал аҙығы әҙерләү кампанияһының уртаһын үтте

ӨФӨ, 2018 йыл, 10 июль. /«Башинформ» мәғлүмәт агентлығы/. Башҡортостан аграрийҙары мал аҙығы әҙерләү кампанияһының уртаһын үтте: күп йыллыҡ үлән майҙандарының яртыһынан күберәге сабылған, бесән һәм сенаж күләменең өстән бер өлөшө (207 мең тонна һәм 504 мең тонна) әҙерләнгән. Хөкүмәттә оператив кәңәшмәлә республиканың ауыл хужалығы министры Илшат Фәхрахманов хәбәр итеүенсә, булған малға уңышлы ҡышлау өсөн 750 мең тонна бесән, 1,7 миллион тонна сенаж, 1,6 мең тонна силос һәм 700 мең фонна фураж әҙерләргә кәрәк.

Мал аҙығы әҙерләү ике сменала бара, сенаж тәүлек әйләнәһенә төйгөсләп тигеҙләнә. Әле баҫыуҙарҙа ҡуҙаҡлылар сәскәгә төймәләнә һәм бөртөклөләр башаҡлана башлай – йәшел масса үҫеүенән туҡтай, унда протеин көндән-көн кәмей. Беренсе сабым тамамланғандан һуң, үләндәрҙе тулы күләмдә икенсе сабым алыу өсөн ҡатмарлы ашламалар менән туҡландыралар, тип хәбәр иттеләр Башҡортостандың Ауыл хужадығы министрлығында.

http://www.bashinform.ru/news/1184521-agrarii-bashkirii-prokhodyat-ekvator-kormozagotovitelnoy-kampanii/