Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Иҡтисад
6 Июль 2018, 15:55

Республикала туристар өсөн 150 саҡрым оҙонлоҡта Ҙур Көньяҡ Урал һуҡмағын һалалар

БР Экология министрлығы
ӨФӨ, 2018 йыл, 6 июль. /«Башинформ» мәғлүмәт агентлығы/. Башҡортостанда туристар өсөн Ҙур Көньяҡ Урал һуҡмағын һалалар. Походҡа Рәсәй география йәмғиәтенең төбәк бүлексәһе һәм Башҡортостан Экология министрлығы белгестәре сыҡты. Маршрут Белореттан башлана, Еләктау түбәһе аша бара, Отнурок ауылына төшә, һуңынан Яланғас тауы аша Торналар һаҙлығына үтә. Артабан маршурт Инйәр тештәре, Көмәрҙәк һәм Баштау һырттары аша «Ирәмәл» тәбиғәт паркы аша уҙа.
Маршрут оҙонлоғо яҡынса 140-150 саҡрым тәшкил итә. Уртаса статистик турист был арауыҡты бер аҙна эсендә үтә ала. Рекорд ҡуйыусылар ҙа бар – Кирилл Фронюк был араны 36 сәғәт эсендә үткән. Социаль селтәрҙәге сәхифәһендә ул тәжрибәһе хаҡында һөйләй.
Походта ҡатнашыусыларҙың маҡсаты – маршрутты маркировкалау, билдәләр эшләү, уның тасуирламаһын һәм картаһын әҙерләү. Был эш тамамланғас туристар яңы маршрут менән үҙаллы йәки туроператорҙар аша файҙалана ала, тип билдәләнеләр Башҡортостандың Экология министрлығында.
http://www.bashinform.ru/news/1183318-v-bashkirii-prokladyvayut-dlya-turistov-bolshuyu-yuzhnouralskuyu-tropu-protyazhennostyu-v-150-km/
Автор:«Башинформ» мәғлүмәт агентлығы