Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
5 Июль 2018, 17:10

Күмертауҙа иген баҙарының торошон тикшерәләр

youtube.com
youtube.com
ӨФӨ, 2018 йыл, 5 июль. /«Башинформ» мәғлүмәт агентлығы/. 11 июлдә Күмертауҙа «Иген конференцияһы» үтә, унда Рәсәй Иген Союзы башлығы Аркадий Злочевский һәм уның коллегалары, Рәсәй Ауыл хужалығы министрлығы, Милли сауҙа биржаһы, «Иген сифатын баһалау үҙәге» федераль дәүләт бюджет учреждениеһы, «Рәсәй тимер юлдары» акционерҙар йәмғиәте вәкилдәре, трейдерҙар, шулай уҡ республиканың һәм сиктәш төбәктәрҙең алдынғы ауыл хужалығы предприятиелары һәм элеватор комплексы предприятиелары етәкселәре ҡатнаша. Белгестәр иген баҙарындағы хәлде, уңыш һәм хаҡтар буйынса фараздарҙы, халыҡ-ара баҙарына сығыу механизмдарын, иген эшкәртеү һәм һаҡлауҙа яңы технологияларҙы, шулай уҡ логистиканы һәм биржала һатыуҙы тикшерәләр. Ҡатнашыусылар Башҡортостандың заманса элеваторында – Маяҡ ҡасабаһында яңы май һығыу заводында булырға күҙаллай.
Башҡортостан Ауыл хужалығы министрлығынан хәбәр итеүҙәренсә, республикала дөйөм киптереү ҡеүәте сәғәтенә 2,7 мең тонна тәшкил иткән 2 миллион тонна һыйышлы 33 элеватор һәм ашлыҡ ҡабул итеү пункты бар. Башҡортостан предприятиеларында – бер ваҡытта иген һаҡлау ҡеүәте – 4 миллион тоннанан ашыу.
Ведомство мәғлүмәттәре буйынса, 2018 йылдың тәүге дүрт айында республика 15 миллион долларға игенде сит илгә сығарған, ул агросәнәғәт комплексында экспорт структураһында 49 процент тәшкил итә. Төп экспорт культуралары – бойҙай, арпа, ҡарабойҙай һәм майлы культуралар. Башҡортостан игенен Азербайжан, Монголия, Латвия, Литва, Белоруссия, Бельгия, Египет, Иран, Израиль, Төркиә һәм Сәғүд Ғәрәбстаны һатып ала.
http://www.bashinform.ru/news/1182876-v-kumertau-obsudyat-sostoyanie-rynka-zerna/
Автор:«Башинформ» мәғлүмәт агентлығы
Читайте нас: