Республика халҡы 1,2 миллиард һум мөлкәт һалымын түләп бөтмәгән

ӨФӨ, 2018 йыл, 4 июль. /«Башинформ» мәғлүмәт агентлығы/. Башҡортостанда 35 мең кешенең 10 мең һумдан ашыу мөлкәт һалымы буйынса бурысы бар. Дөйөм алғанда бюджет алып бөтмәгән аҡса күләме 1 июнгә 1 миллиард 218 милллион һум тәшкил иткән, тип хәбәр иттеләр Федераль һалым хеҙмәтенең Башҡортостан буйынса идаралығында.

Шул арала, 10 мең һумдан ашыу бурыс сит илгә сығыуҙы сикләү нигеҙе булып тора. Бурыслы пассажирҙы рейстан аэропортта алып ҡалалар. Шуға граждандарға бурыстар барлығын һалым хеҙмәте алдан тикшерергә кәңәш бирә. Бының өсөн Федераль һалым хеҙмәте сайтында «Физик берәмектәр өсөн һалым түләүсенең шәхси кабинеты» һәм «Һалымдарҙы түлә» интернет-сервисы, дәүләт хеҙмәттәре сайты менән ҡулланырға, Күп функциялы үҙәккә йәки һалым инспекцияһына мөрәжәғәт итергә була. Ведомство (347) 226-38-00 һандары буйынса ҡыҙыу элемтә ойошторған. Һалымды түләү терминалдары, банктар йә иһә почта бүлексәләре аша түләргә мөмкин.

http://www.bashinform.ru/news/1182602-zhiteli-bashkirii-nedoplatili-1-2-mlrd-rubley-imushchestvennykh-nalogov/