Баш ҡалала фермер тауарҙарын һатыу йолаһын үҫтерәләр

ӨФӨ, 2018 йыл, 28 июнь. /«Башинформ» мәғлүмәт агентлығы/. Өфөнөң Сипайлово биҫтәһендә сираттағы фермер йәрминкәһе үтте. Республиканың Ауыл хужалығы министрлығында хәбәр итеүҙәренсә, унда үҙ продукцияһын Благовар, Бөрө, Туймазы, Өфө һәм башҡа райондарҙан 15 фермер һәм шәхси ярҙамсы хужалыҡ етәксеһе тәҡдим итте. Кәштәләрҙә ҡаҙ итенән затлы ризыҡтар, колбаса изделиелары, ҡалып буйынса эшләнгән сырҙар, ҡыяр һәм помидор, йәшелсә, бәшмәк һәм унан эшләнгән паштет, көнбағыш майы, еләк ҡағы, сәй эсемлектәре, һут, сироп, бал һәм талҡан.

Башҡортостандың Сауҙа һәм ҡулланыусыларҙың хоҡуҡтарын яҡлау буйынса дәүләт комитеты Өфө халҡы урындағы сифатлы продукция менән танышһын, ә етештереүселәр йәнле сауҙа урындарына сыға алһын өсөн фермер йәрминкәләрен тәүге йыл ғына уҙғармай.

http://www.bashinform.ru/news/1179704-v-ufe-razvivayut-traditsiyu-fermerskikh-yarmarok/