Башҡортостан 2020 йылда ер һөрөү буйынса донъя чемпионатын үткәреүгә дәғүә итә

Башҡортостан Ауыл хужалығы министрлығының матбуғат хеҙмәте

ӨФӨ, 2018 йыл, 26 июнь. /«Башинформ» мәғлүмәт агентлығы, Галина Бахшиева/.Башҡортостан хөкүмәте премьер-министры урынбаҫары — ауыл хужалығы министры Илшат Фәзрахманов республиканы 2020 йылда ер һөрөү буйынса донъя чемпионатын уҙғарыуға дәғүәсе булараҡ таныштырҙы.

Башҡортостан менән таныштырыу сараһы Владимир өлкәһенең Суздаль ҡалаһында уҙҙы, быйыл унда ер һөрөү буйынса Рәсәйҙең етенсе асыҡ чемпионаты һәм ер һөрөү буйынса 35-се Европа чемпионаты ойошторолдо.

Вице-премьер презентация ваҡытында республиканың һөт, ит, бал, ҡымыҙ етештереү, йылҡы, шулай уҡ эре малдар һаны буйынса алдынғы урынды биләүен һыҙыҡ өҫтөнә алды. Дөйөм алғанда, ауыл хужалығы продукцияһын етештереү буйынса Башҡортостан ышаныслы рәүештә Рәсәйҙең иң яҡшы ун төбәге иҫәбенә инә.

Төбәктә ауыл хужалығын техник һәм технологияк яҡтан йыһазландырыуға ҙур иғтибар бүленә. 2011 йылдан Башҡортостанда машина-трактор паркын яңыртыуҙа ауыл хужалығы тауарҙарына дәүләт ярҙамы күрһәтеүҙең комплекслы программаһы эшләй.

Бынан тыш, республиканың халыҡ-ара сараларҙы ойоштороу һәм уҙғарыу йәһәтенән яҡшы тәжрибәһе бар.

2015 йылда VII БРИКС саммиты һәм Шанхай Хеҙмәттәшлек Ойошмаһы саммиты үтте. Былтыр Башҡортостан 2021 йылда «Апимондия» халыҡ-ара умартасылыҡ ассоциациялар федерацияһының 47-се конгресын уҙғарыуға хоҡуҡ алды. Йыл һайын төбәктә «Агрокомплекс» халыҡ-ара агросәнәғәт күргәҙмәһе һәм «Һөт иле» фестивале ойошторола.

«Уҙған йылда Башҡортостан ер һөрөү буйынса VI Рәсәй асыҡ чемпионатын ҡабул итте. Республика 2020 йылда ер һөрөү буйынса донъя чемпионатын уҙғарыу өсөн лайыҡлы майҙансыҡ булыр тигән ышаныс бар», — тип белдерҙе Илшат Фәзрахманов.

http://www.bashinform.ru/news/1178419-bashkiriya-pretenduet-na-provedenie-chempionata-mira-po-pakhote-2020/

Теги:ер һөрөү буйынса рәсәй чемпионаты илшат фәзрахманов

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».