2020 йылда Өфөлә Клиник неврология һәм реабилитация институты асыла

ӨФӨ, 2018 йыл, 5 июнь. /«Башинформ» мәғлүмәт агентлығы/. Өфөлә дәүләт-шәхси партнерлыҡ сиктәрендә күп профилле реабилитация комплексы төҙөү буйынса проект ғәмәлгә ашырыла. Концессия килешеүе нигеҙендә «Медстандарт» медицина холдингы Октябрь проспектындағы ике ҡатлы Һаулыҡ мөмкинлектәре сикләнгән балалар һәм үҫмерҙәр өсөн республика реабилитация үҙәге бинаһын (0,5 гектарға яҡын участкала урынлашҡан 897 квадрат метр майҙанда) реконструкциялауҙы һәм йыһазландырыуҙы 427 миллион һумға инвестициялай. Һөҙөмтәлә бина 8 мең квадрат метрға яҡын майҙанда 4-6 ҡатлы, өлкәндәр һәм балалар өсөн 100-шәр койко-урынлыҡ була.

Медицина холдингы Клиник неврология һәм реабилитация үҙәге менән 25 йыл дауамында идара итә. Учреждение 2020 йылда асылырға тейеш. Әлеге ваҡытта проект документтары рәсмиләштерелә, тип хәбәр иттеләр Башҡортостандың Үҫеш корпорацияһында.

«Проект мөһим социаль йөкләмәгә эйә: төбәк киң таралған һәм бер үк ваҡытта инвалидлыҡҡа килтергән нервы, йөрәк-ҡан тамырҙары системалары, терәк-хәрәкәт аппараты, онкология һәм башҡа ауырырыуҙарҙа ярҙам итә алған реабилитация үҙәктәрендә мохтаж», — тип билдәләнеләр ведомствола.

http://www.bashinform.ru/news/1169023-v-ufe-v-2020-godu-otkroetsya-klinicheskiy-institut-nevrologii-i-reabilitatsii/