Көҙҙән Өфө халҡы йылылыҡты фактик ҡулланған өсөн түләй башлай

ӨФӨ, 2018 йыл, 29 май. /«Башинформ» мәғлүмәт агентлығы/. 1 октябрҙән йылылыҡ энергияһы өсөн түләү фактик ҡулланған өсөн иҫәпләнә. Киләһе йәйҙән йылылыҡ өсөн түләү иҫәпләнмәй, тип иҫкә төшөрҙөләр Өфө хакимиәтенең матбуғат хеҙмәтендә. Шуға ярашлы, ҡышҡы айҙарҙа торлаҡ өсөн түләү йәйгегә ҡарағанда юғарыраҡ була. Яңылыҡ иҫәпләүҙәрҙе асығыраҡ һәм аңлайышлыраҡ эшләргә ярҙам итергә тейеш. Бынан тыш, ресурс менән тәьмин итеүсе компаниялар хеҙмәттәр өсөн түләүҙе ваҡытында һәм тулыһынса алыу мөмкинлегенә эйә, сөнки элек уларға заем аҡсаһы менән файҙаланырға тура килә ине.

1 июлдән илдә торлаҡ-коммуналь хужалыҡ хеҙмәттәр өсөн тарифтар арта. Башҡортостанда хаҡтар уртаса 6% күтәрелә.

Хаҡтар хеҙмәт төрҙәре һәм муниципалитеттар буйынса бер төрлө артмай. Башҡортостандың Тарифтар буйынса дәүләт комитеты мәғлүмәттәренә ярашлы, төбәктә газ менән тәьмин итеү өсөн уртаса 3,4%, электр менән тәьмин итеү – 5%, йылытыу – 5,26%, һыу менән тәьмин итеү — 6%, һыу бүлеү 14% ҡиммәтләнә.

http://www.bashinform.ru/news/1165788-zhiteli-ufy-s-oseni-budut-platit-za-fakticheskoe-potreblenie-tepla/