«Бәләбәй» йылдам социаль-иҡтисади үҫеш биләмәһендә – яңы резидент

ӨФӨ, 2018 йыл, 28 май. /«Башинформ» мәғлүмәт агентлығы/. Рәсәй иҡтисади үҫеш министрлығының рәсми сайтында Башҡортостандан тағы ла бер инвесторҙы – «Регион 02» яуаплылығы сикләнгән йәмғиәтен социаль-иҡтисади үҫеш биләмәләре резиденттары исемлегенә индереү тураһында мәғлүмәт баҫылған.

Предприятие «Бәләбәй» йылдам социаль-иҡтисади үҫеш биләмәһендә эшләй һәм мәғлүмәт технологиялары өлкәһендә хеҙмәттәр күрһәтә.

Күрһәтелгән инвестиция проектын ғәмәлгә ашырыу 6,4 миллион һум инвестиция үҙләштереүҙе һәм 35 яңы эш урыны булдырыуҙы күҙ уңында тота, был Бәләбәй моноҡалаһы иҡтисадын үҙгәртергә һәм уның социаль-иҡтисади хәлен яҡшыртырға булышлыҡ итергә тейеш.

Һөҙөмтәлә, 28 майға республиканан 15 инвестор (6 – «Бәләбәй», 9 – «Күмертау» йылдам социаль-иҡтисади үҫеш биләмәһе) йылдам социаль-иҡтисади үҫеш биләмәһе резиденттары реестрына индерелгән. Уларҙың проекттарын тормошҡа ашырыу 2,8 миллиард һумдан ашыу инвестиция йәлеп итергә һәм 2 меңдән күберәк яңы эш урыны булдырырға мөмкинлек бирә. 2017 йылда Бәләбәй һәм Күмертау моноҡалаларында резиденттар 1,2 миллиард һум самаһы инвестиция һалған һәм 600 эш урыны булдырған.

http://www.bashinform.ru/news/1165132-v-toser-belebey-poyavilsya-novyy-rezident/