Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Иҡтисад
22 Май 2018, 10:05

Өфөлә Рәсәй нефть-газ химияһы форумы һәм «Газ. Нефть. Технологиялар» халыҡ-ара күргәҙмәһе асыла

gntexpo.ru
ӨФӨ, 2018 йыл, 22 май. /«Башинформ» мәғлүмәт агентлығы, Ольга Мортазина/.22 майҙа Өфөлә Рәсәй нефть-газ химияһы форумы һәм 26-сы «Газ. Нефть. Технологиялар» халыҡ-ара күргәҙмәһе асыла. Ул нефть-газ химияһы комплексы өсөн яңы технологиялар һәм ҡорамалдар менән танышыу өсөн ҙур майҙансыҡтарҙың береһе. Унда тармаҡтың алдынғы предприятиелары, шулай уҡ химик машина эшләү һәм инжиниринг ойошмалары, яғыулыҡ-энергетика комплексы өсөн ҡорамалдар етештереүселәр ҡатнаша.
Ойоштороусыларҙың мәғлүмәттәре буйынса, быйыл экспозиция 14 мең квадрат метрҙағы биш майҙансыҡта урынлаша. Күргәҙмәлә 10 илдән һәм Рәсәйҙең 32 төбәгенән 320-нән ашыу компания ҡатнаша. Тәҡдим ителгән продукцияның 80 проценты – илебеҙҙҙә етештерелгән тауарҙар.
Пленар ултырыштың темаһы – «Рәсәй донъялағы нефть-газ химияһы тармағын үҫтереү трендтарында». Форум сиктәрендә бер төркөм түңәрәк өҫтәл күҙалланған, уларҙа тармаҡ барҙарҙарының торошо, инновацион технологияларҙы үҫтереү, тар махсуслаштырылған темалар тикшерелә.
Сараны ойоштороусылар иҫәбендә – Башҡортостан хөкүмәте.
http://www.bashinform.ru/news/1161712-v-ufe-otkryvaetsya-rossiyskiy-neftegazokhimicheskiy-forum-i-mezhdunarodnaya-vystavka-gaz-neft-tekhno/
Автор:Ольга Мортазина