Республикала йыл башынан 114 «ипотека» фатиры һатыуға ҡуйылған

ӨФӨ, 2018 йыл, 18 май. /«Башинформ» мәғлүмәт агентлығы, Ольга Мортазина/.Башҡортостанда йыл башынан ипотека кредиты буйынса залогта булған 114 фатир һатыуға ҡуйылған, тип хәбәр иттеләр Федераль суд приставтары хеҙмәтенең Башҡортостан буйынса идаралығында. Бындай яҙмыш тағы күп граждандарға янай. Атап әйткәндә, Өфөлә йәшәүсенең банкка 1,3 миллион һум бурысы бар. Ул Ҡулса урамында ипотекаға ике бүлмәле фатир алған, әммә оҙаҡламай кредит буйынса иғәнәне түләй алмаған. Банк уны һатып, аҡсаһын ҡайтарыр өсөн суд аша фатирҙы тартып ала. Бурыслының һәм уның ғаиләһенең берҙән-бер торлағы булыу фатирҙы ҡайтарыу өсөн ҡаршылыҡ булып тормай. Бурыслының үтенесе буйынса уға июнь аҙағына тиклем бурысын ҡапларға мөмкинселек бирелгән.

http://www.bashinform.ru/news/1159906-v-bashkirii-s-nachala-goda-na-prodazhu-vystavleno-114-ipotechnykh-kvartir/