Республика буйынса Пенсия фонды әсәлек капиталынан айлыҡ түләү алыуға ғаризалар ҡабул итә

«Башинформ» мәғлүмәт агентлығы

Галина Бахшиева

ӨФӨ, 2018 йыл, 16 май. /«Башинформ» мәғлүмәт агентлығы, Галина Бахшиева/.Башҡортостанда 143 ғаилә – 2018 йылдың 1 ғинуарынан һуң икенсе балаһы тыуған һәм әсәлек капиталы сертификатын алғандар республиканың ҡала-райондарында урынлашҡан Пенсия фонды идаралыҡтарына 8 892 һум күләмендә айлыҡ түләүгә ғариза яҙған. Уларҙан 119 ғаилә ошондай түләүҙе ала башлаған да инде. Был маҡсатҡа йүнәлтелгән дөйөм сумма әлеге ваҡытта 4 миллион һумдан артҡан, тип хәбәр иттеләр Башҡортостан буйынса Пенсия фонды бүлексәһенең матбуғат хеҙмәтендә.

Алдан «Башинформ» агентлығы хәбәр иткәнсә, әсәлек (ғаилә) капиталын тотоноуҙың яңы йүнәлеше – юғары килемле булмаған ғаиләләр өсөн айлыҡ түләү – ағымдағы йылдан алып ғәмәлдә. Был категорияға килеме Рәсәй төбәгендә билдәләнгән эшкә һәләтле граждандың йәшәү минимумы күләменән 1,5 тапҡыр артмаған ғаиләләр ҡарай. Башҡортостанда был сумма 14 247 һум тәшкил итә.

Ғаиләнең дөйөм табышына эш хаҡы, премиялар, пенсиялар, социаль пособиелар, стипендиялар, төрлө компенсациялар, алименттар инә. Пенсия фондына мөрөжәғәт иткәндә ошо түләүҙәрҙең суммаһы Пенсия Фондынан алынған түләүҙәрҙән тыш тейешле документтар менән раҫланырға тейеш.

Айлыҡ түләүҙе тәғәйенләүгә ғаризаны икенсе бала тыуғандан йыл ярым дауамында бирергә мөмкин. Бала тыуғандан тәүге алты ай дауамында мөрәжәғәт иткәндә түләүҙе бала тыуған көнөнән алып билдәләйҙәр. Алты айҙан һуң мөрәжәғәт иткәндә түләү ғариза тапшырған көндән билдәләнә.

Шуға балалары ғинуарҙа тыуған ғаиләләргә алты ай үткәнсе айлыҡ түләү алыу йәки әсәлек капиталы аҡсаһын башҡа йүнәлештәр: ғаиләнең торлаҡ шарттарын яҡшыртыуға, белем алыуға, әсә кешенең буласаҡ пенсияһына йәки инвалид балаларҙың йәмғиәттә социаль адаптацияһына һәм интеграцияһына йүнәлтеү мәсьәләһен хәл итергә кәрәк.

Айлыҡ түләүҙе тәғәйенләү тураһында ғаризаны Рәсәй Пенсия фондының клиенттар хеҙмәтенә бирергә мөмкин. Аҡсалар Рәсәй банкында асылған граждан иҫәбенә күсерелә. Теләһе ваҡытта әсәлек капиталы хужаһының теләге буйынса түләүҙе туҡтатырға мөмкин.

Айлыҡ түләү балаға йәш ярым тулғансы бирелә, әммә тәүге түләү осоро бер йылға иҫәпләнгән. Бер йыл үткәндән һуң сертификат эйәһе уны тәғәйенләүгә йәнә ғариза тапшыра ала. Әсәлек капиталы тулыһынса тотонолған, ғаилә йәшәү урынын алмаштырған йәки балаға йәш ярым тулған осраҡта түләү туҡтатыла.

http://www.bashinform.ru/news/1158410-pensionnyy-fond-po-bashkirii-prinimaet-zayavleniya-na-poluchenie-ezhemesyachnoy-vyplaty-iz-matkapita/

#пенсия фонды #әсәлек капиталы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.