Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Иҡтисад
15 Май 2018, 12:55

Төбәктә яҙғы сәсеү майҙандарҙың өстән бер өлөшөндә тамамланған – Ауыл хужалығы министрлығы

Олег Яровиков
Олег Яровиков
ӨФӨ, 2018 йыл, 15 май. /«Башинформ» мәғлүмәт агентлығы, Галина Бахшиева/.Республика Ауыл хужалығы министрлығының һуңғы мәғлүмәттәре буйынса, Башҡортостанда яҙғы сәсеү планлаштырылған майҙандың өстән бер өлөшөндә – 645 мең гектарҙа башҡарылған. Тик һуңғы тәүлектә генә ярауай культуралар менән сәселгән майҙандар үҫеше 95 мең гектар тәшкил иткән.
Алдынғыларҙа күҙалланған майҙандың 56 процентын сәскән элеккесә Әлшәй районы аграрийҙары килә.
Шартлы икенсе урында – Стәрлебаш районы хужалыҡтары – пландың 51 проценты, өсөнсөлә – бүздәктәр (45 процент).
Әммә тулайым күрһәткес буйынса Стәрлетамаҡ районы аграрийҙары ышаныслы алдынғылыҡты биләй. Бөгөнгө көнгә улар 36 мең гектар майҙанға сәскән.
Аграр ведомствоның матбуғат хеҙмәтендә билдәләүҙәренсә, 2018 йылғы сәсеү культураларҙың төрлөлөгө менән айырыла. Ғәҙәттәге бөртөклө һәм ҡуҙаҡлы культураларҙан тыш, республикала кәрешкә, бүреборсаҡ, яҫмыҡ, рапс, етен, тилешалҡан, гәрсис, ноҡот борсоғо һәм башҡа юғары маржиналь культураларҙы әүҙем сәсәләр.
http://www.bashinform.ru/news/1157202-vesenniy-sev-v-bashkirii-zavershen-na-treti-ploshchadey-minselkhoz/
Автор:Галина Бахшиева
Читайте нас в