Эксперттар Рәсәйҙә иң күп һатылған яңы сит ил автомобилдәрен атаны

ӨФӨ, 2018 йыл, 16 апрель. /«Башинформ» мәғлүмәт агентлығы, Ксения Калинина/. 2018 йылдың ғинуар-март айҙары йомғаҡтары буйынса Рәсәйҙә иң күп һатылған яңы сит ил машиналары рейтингы иғлан ителде. Уны «Автостат» аналитика агентлығы эксперттары төҙөгән.

Исемлектә беренсе урында — Kia Rio автомобиле. Тәүге өс айҙа 25,3 меңдән ашыу дана һатылған, был уҙған йылға ҡарағанда 20,2% процентҡа күберәк. Икенсе баҫҡысты Hyundai Creta кроссоверы биләй. Уны һатыу 39% артҡан, 15,7 мең автомобилгә тиклем, тип хәбәр итә «Известия» «Москва» агентлығына һылтанып.

Өсөнсө урында — Hyundai Solaris. Ағымдағы йылда уның һөҙөмтәһе 14,2% яҡшырған, 14,4 мең автомобилгә тиклем. Шулай уҡ иң күп һатылған сит ил автомобилдәре исемлегендә Volkswagen Polo (11 500 машина), Renault Duster (10 200 берәмек), Skoda Rapid (8 000), Renault Kaptur (7 600), Kia Sportage (7 500), Volkswagen Tiguan (7 300) һәм Renault Sandero (7 200) бар. Дөйөм алғанда, йыл башынан 294,7 мең сит ил машинаһы һатылған.

http://www.bashinform.ru/news/1144286-eksperty-nazvali-samye-prodavaemye-novye-inomarki-v-rossii/?utm_medium=right_p2&utm_content=right_p2_popular1_&utm_source=bashinform