Өфөлә икенсел баҙарғағы фатирҙар ҡиммәтләнгән

ӨФӨ, 2018 йыл, 9 апрель. /«Башинформ» мәғлүмәт агентлығы, Ольга Мортазина/. Күсемһеҙ торлаҡ баҙарында оҙаҡ ваҡыт эсендә тәүге тапҡыр «икенсел фатирҙар»ҙың хаҡы артыуы күҙәтелә, тип билдәләй «Фатирҙар донъяһы» порталы аналитиктары. Был Рәсәйҙәге 300 меңдән ашыу кеше йәшәгән 69 ҡаланың 48-енә ҡағыла, Магнитогорск (хаҡы 1,5 миллион һумдан аҙыраҡ, һуңғы урында) һәм Мәскәү (торлаҡтың ҡиммәтлеге буйынса 1-се урында ҡала, уртса хаҡы — 11 миллион һум самаһы) инмәй.

Башҡортостандың баш ҡалаһы 13-сө урынды биләй. Өфөлә бер квадрат метрҙың уртаса хаҡы — 65 мең һумдан ашыу (+3,1%), фатирҙар — 3,95 миллион (+6,7%). Ғинуарҙа 3,6 миллион тәшкил иткән.

Эксперттар был хәлде ипотеканың арзанайыуы менән аңлата. Тотороҡло тенденция тураһында һөйләргә әлегә иртәрәк.

http://www.bashinform.ru/news/1141235-v-ufe-podorozhali-kvartiry-na-vtorichnom-rynke-/