Стәрлетамаҡта һыра ҡайнатыу заводы таҙартыу ҡоролмаларын яңыртыуҙы тамамлай

ӨФӨ, 2018 йыл, 30 март. /«Башинформ» мәғлүмәт агентлығы, Ольга Мортазина/. Стәрлетамаҡта һыра ҡайнатыу заводы сәнәғәт майҙансыҡтарында ҡойма һыуҙарҙы йыйыу һәм таҙартыу өсөн ҡорамалдарҙы яңыртыуҙы тамамлай. Башҡортостандың Экология министрлығында хәбәр итеүҙәренсә, ведомство белгесе предприятиеға килде һәм канализация системаһында Стәрлегә ямғыр һәм дренаж һыуҙарҙы ағыҙыуҙы булдырмаҫ өсөн бетон түбәсәйҙәре ҡуйылғанын раҫланы. Алдан һыра ҡайнатыу заводы йылғаға йылына 70 мең кубометр самаһы һыу ағыҙған. Хәҙер таҙартыу системаһы аҡҡан һыуҙы икенсе ҡат һыу тәьминәте өсөн файҙаланырға мөмкинлек бирә. Урындағы киң билдәле «Шихан» маркаһын етештереүсе завод йылғаға бысратыусы матдәләр сығарыуҙы туҡтата һәм тәбиғәткә техноген тәьҫирҙе кәметә.

http://www.bashinform.ru/news/1136728-v-sterlitamake-pivovarennyy-zavod-zavershaet-modernizatsiyu-ochistnykh-sooruzheniy/