Төбәктә 200 килограмм рөхсәтһеҙ тотолған балыҡ юҡ ителгән

ӨФӨ, 2018 йыл, 29 март. /«Башинформ» мәғлүмәт агентлығы, Ольга Мортазина/. Башҡортостанда Россельхознадзор инспекторҙары яңы тотолған балыҡ менән һатыу иткән урындарҙа тикшереү үткәрҙе. Әгәр һатыусыларҙың продукттың хәүефһеҙлеге һәм уның килеп сығышы хаҡында документтары булмаһа, балыҡ тартып алынған. Бөтәһе 200 килограмдан ашыу тауар юҡ ителгән. Тикшереүҙәр тәбиғәтте һаҡлау прокуратураһы ҡушыуы буйынса уҙғарылған. Шулай уҡ прокурорҙар ветеринария станцияларының ошо балыҡҡа нисек документтар биреүҙәрен тикшерҙе. Хәтерегеҙгә төшөрәбеҙ, ҡиммәтле балыҡтарҙы тотоу өсөн Балыҡ тотоу буйынса федераль агентлыҡтың рөхсәте талап ителә.

http://www.bashinform.ru/news/1135914-v-bashkirii-unichtozhili-200-kg-nezakonno-vylovlennoy-ryby/