Ни өсөн туристар Башҡортостанға килә?

ӨФӨ, 2018 йыл, 29 март. /«Башинформ» мәғлүмәт агентлығы, Ольга Мортазина/. Башҡортостанда туризм өлкәһендә мониторинг уҙғарылған. Республиканың Эшҡыуарлыҡ һәм туризм буйынса дәүләт комитеты хәбәр итеүенсә, республикаға командировкалар һаны 2016 йыл менән сағыштырғанда 60 процентҡа артҡан. Дауаланыу һәм һауығыу өсөн сәфәрҙәр 66 процентҡа күтәрелгән. Төбәктәге изге урындарға ғибәҙәт ҡылыусылар иҫәбе ете тапҡырға күбәйгән.

Республикала туристик хеҙмәттәр күрһәтеүсе юридик шәхестәр һаны 20 процентҡа артҡан һәм шәхси эшҡыуарҙар иҫәбе 15 процентҡа кәмегән.

Коллектив урынлаштырыу урындары (КСР – ул туристарға ҡуныу өсөн даими йәки ҡайһы берҙә бирелә торған объект) эшләүгә инвестициялар бүлмәләр һанын 9 процентҡа һәм койка-урындар иҫәбен 50 процентҡа арттырырға мөмкинлек биргән. Ҡуныу һаны 1,7 миллион берәмектән ашып киткән – үҫеш 11 процент.

http://www.bashinform.ru/news/1135949-za-chem-turisty-edut-v-bashkiriyu/