Башҡортостан һәм Өфө яңылыҡтары
82.02
-0.57
93.25
-0.08
67.96
+2.11
10+ °C
Болотло
Бөтә яңылыҡтар
Иҡтисад
28 Март 2018, 12:20

Башҡортостандағы районда бәләкәй ауылдарҙы автокибет менән хеҙмәтләндереү яйға һалынды

ӨФө, 2018 йыл, 28 март. /«Башинформ» мәғлүмәт агентлығы, Ольга Мортазина/. Баҡалы районында магазиндары булмаған 13 ауылда сауҙа хеҙмәтләндереүе ойошторолдо. Автокибет был ауылдарға ҡышҡыһын аҙнаһына бер тапҡыр килә, йәй көнө — йышыраҡ. Быға тиклем аҙыҡ-түлек артынан халыҡҡа район үҙәгенә йә иһә башҡа ауылдарға йөрөргә тура килгән.
Баҡалы районы — республика ҡаҙнаһынан финансланған күсмә сауҙаны үҫтереү проектында ҡатнашҡан унауҙың береһе, тип хәбәр иттеләр Башҡортостандың Сауҙа һәм ҡулланыусылар хоҡуғын яҡлау комитетынан.
«Автокибет икмәк-ҡаластар, макарон изделиелары, ярымфабрикаттар, колбаса, һөт ризыҡтары килтерә. Күсмә магазинда һыуытҡыс, туңдырғыс, йыйыу урыны һәм шкафтар бар, фургонда бүлмә температураһы һаҡлана», — тип һөйләнеләр районда проекттың операторы булған «Баҡалы» ҡулланыусылар йәмғиәтендә.
http://www.bashinform.ru/news/1135315-v-rayone-bashkirii-naladili-obsluzhivanie-malykh-dereven-avtolavkoy/
Читайте нас: