Башҡортостанда Көньяҡ урман-дала зонаһы агрономдары өсөн уҡыуҙар ойошторолдо

ӨФӨ, 2018 йыл, 26 март. /«Башинформ» мәғлүмәт агентлығы, Ольга Мортазина/. Башҡортостандың Ауыл хужалығы министрлығы Шаран районында зона агрономия конференцияһы уҙғарҙы. Унда Көньяҡ урман-дала зонаһында сәсеү кампанияһын үткәреү нескәлектәре тикшерелде. Ведомствола аңлатыуҙарынса, бындай уҡыу административ күҙәтеүҙән мөһимерәк. «Фермерҙар өсөн йыллыҡ уҡытыу саралары тәжрибәһе индереләсәк. Алған белем ярҙамында улар эште нисек алып барырға һәм ниндәй табышҡа иҫәп тоторға хәл итәсәк», — тип билдәләне конференция барышында вице-премьер һәм ауыл хужалығы министры Илшат Фәйзрахманов.

Республикала шулай уҡ «1000 агроном» проекты – тармаҡтың иң яҡшы белгестәре алып барған өс көнлөк курстар эшләй.

http://www.bashinform.ru/news/1134353-v-bashkirii-proshlo-obuchenie-dlya-agronomov-yuzhnoy-lesostepnoy-zony/