Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Иҡтисад
26 Март 2018, 09:32

Башҡортостан йәштәр сәйәсәтен тормошҡа ашырыу һөҙөмтәлелеге буйынса тәүге өс лидерға ингән

ӨФӨ, 2018 йыл, 26 март. /«Башинформ» мәғлүмәт агентлығы, Ғәлиә Нәбиева/. Башҡортостан 2017 йылда йәштәр сәйәсәтен тормошҡа ашырыу һөҙөмтәлелеге өлкәһендә төбәктәрҙең йомғаҡлау рейтингында өсөнсө урын алды, тип хәбәр иттеләр төбәк Хөкүмәтенең матбуғат хеҙмәтендә.
Йәштәрҙең эштәре буйынса федераль агентлыҡ 2017 йыл өсөн дәүләт йәштәр сәйәсәтен тормошҡа ашырыусы төбәк башҡарма власть органдары һөҙөмтәлелегенең йомғаҡлау рейтингын әҙерләгән.
Исемлекте Татарстан Республикаһы етәкләй (үтәү күрһәткесе 72,7 процент), ул Ямал-Ненец автономия округын ундан бер процентҡа уҙып киткән. Башҡортостанда – өсөнсө урын һәм 68,5 процент үтәү күрһәткесе.
Белешмә. Профилле төбәк стуктураларының эшмәкәрлеге уларҙың дәүләт йәштәр сәйәсәте йүнәлештәре буйынса 58 һөҙөмтәлелек критерийына ярашлы баһаланды. Бындай система башҡарма власть органдарының эш һөҙөмтәһен: сараларҙы, Бөтә Рәсәй форум кампанияһын, грант ярҙамын, «Рәсәй йәштәре» автоматлаштырылған мәғлүмәт системаһы менән эште, институттарҙы, инфраструктураларҙы, коммуникацияларҙы, норматив-хоҡуҡи базаны ентекләп ҡарарға мөмкинлек бирә.
http://www.bashinform.ru/news/1134075-bashkiriya-voshla-v-troyku-liderov-po-effektivnosti-realizatsii-molodyezhnoy-politiki/
Автор:Ғәлиә Нәбиева
Читайте нас: