Республикала Италияның Grupро Cremonini компанияһы хеҙмәттәшлек тураһында килешеү төҙөнө

ӨФӨ, 2018 йыл, 6 март. /«Башинформ» мәғлүмәт агентлығы, Ольга Мортазина/. Республика хөкүмәтендә Италияның Grupро Cremonini компанияһы менән хеҙмәттәшлек тураһында килешеүгә ҡул ҡуйылды. Алдан агентлыҡ хәбәр иткәнсә, холдинг республикала бер нисә һимертеү майҙансығын булдырыу мөмкинлеген ҡарай. Федоровка районында алты мең баш малға иҫәпләнгән фидлот пилот проекты булырға тейеш. Беренсе этаптың инвестициялары 1 миллиард һум тәшкил итә.

Проект һәм дәүләт ярҙамын күрһәтеү саралары хаҡында һөйләшеү өсөн республикаға компания вәкилдәре килде.

Grupро Cremonini үҙ илендә эре мал итен етештереү һәм уны эшкәртеү буйынса тәүге урынды биләй, 2010 йылдан Рәсәй баҙарында эшләй, илебеҙҙең биш төбәгендә предприятиелары бар.

http://www.bashinform.ru/news/1125036-v-bashkirii-italyanskaya-grupro-cremonini-podpisala-soglashenie-o-sotrudnichestve/