Башҡортостан электрон дәүләт хеҙмәттәре менән файҙаланыу буйынса алтынсы урын алған

Depositphotos.com

Галина Бахшиева

ӨФӨ, 2018 йыл, 20 февраль. /«Башинформ» мәғлүмәт агентлығы, Галина Бахшиева/. Башҡортостан халыҡтың электрон дәүләт хеҙмәттәре менән файҙаланыуы буйынса илдә алтынсы урын алған, тип хәбәр иттеләр республика Хөкүмәтенең матбуғат хеҙмәтенән Рәсәй Элемтә һәм киң коммуникациялар министрлығы мәғлүмәттәренә һылтанып.

Министрлыҡ мәғлүмәттәре буйынса, былтыр электрон дәүләт һәм муниципаль хеҙмәттәр менән файҙаланыусы граждандарҙың өлөшө буйынса план күрһәткесе 60 процентҡа үтәлгән. Ил буйынса дөйөм алғанда ул 64,3 процентҡа еткән.

Шул уҡ ваҡытта Башҡортостан уртаса Рәсәй күрһәткестәренән ярайһы уҡ уҙып киткән. Мәҫәлән: республикала электрон дәүләт һәм муниципаль хеҙмәттәр менән файҙаланыусы граждандарҙың өлөшө 78 процент тәшкил иткән, йәғни Рәсәй төбәктәре араһында алтынсы урын алған.

Дәүләт һәм муниципаль хеҙмәттәрҙе электрон төрҙә алырға үҙ итеүселәр һаны Башҡортостанда даими арта бара. Мәҫәлән, 2014 йылда был күрһәткес 27,6 процентҡа тиң булһа, 2015 йылда – 52%, 2016 йылда — 61,2%, 2017 йылда — 78%. Өсөнсө йыл рәттән төбәктә план күрһәткесе уңышлы арттырып үтәлә. Был республика Хөкүмәте электрон төрҙә дәүләт хеҙмәттәрен күрһәтеү системаһын үҫтереү буйынса башҡарған сараларҙың һөҙөмтәлелеге, дәүләт менән үҙ-ара электрон эш итеү алымының танылыу артыуы хаҡында һөйләй, тип билдәләй белгестәр.

Тәүге эш көнөнән башлап, республика башлығы Рөстәм Хәмитов дәүләт һәм муниципаль хеҙмәттәрҙе электрон төргә күсереүҙе, власть органдарына, тотош республикаға ла мәғлүмәт еткереү кимәлен күтәреүҙе административ реформаның өҫтөнлөклө бурыстарының береһе итеп ҡуйҙы.

«Мәғлүмәт-коммуникация технологиялары күптән республиканың, илдең ижтимағи һәм сәйәси тормошоноң төп факторына әйләнде, — тип билдәләне Рөстәм Хәмитов. — Улар менән файҙаланыу идаралыҡ процестары һөҙөмтәлелеген, бөтә кимәлдәрҙә ҡарар ҡабул итеү һәм ғәмәлгә ашырыу процедураларын ярайһы уҡ күтәрергә, дәүләт власының асыҡлығын арттырырға, коррупция даирәһен етди ҡыҫҡартырға мөмкинлек бирә. Электрон хөкүмәт технологияларын индереү, электрон формала дәүләт һәм муниципаль хеҙмәттәр күрһәтеүгә күсеү – ул граждандарға хөкүмәт структуралары менән эш итеүҙе еңеләйтә алған бик мөһим эш».

Уҙған йылдың көҙөндә Башҡортостан Дәүләт Йыйылышы – Ҡоролтайға Мөрәжәғәтнамәһендә Рөстәм Хәмитов мәғариф, һаулыҡ һаҡлау, транспорт, «Электрон Хөкүмәт» өлкәһендә ҙур-ҙур IT-проекттарға күрә Башҡортостан 2017 йылда төбәктәрҙе мәғлүмәтләштереү рейтингында 31-сенән етенсе урынға күтәрелеүен хәбәр итте.

http://www.bashinform.ru/news/1119213-bashkiriya-zanyala-shestoe-mesto-po-ispolzovaniyu-elektronnykh-gosudarstvennykh-uslug-/

#дәүләт хеҙмәттәре #башҡортостан хөкүмәте

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.