Әбйәлил районында ҡоро төҙөлөш ҡатышмалары заводы һалына

ӨФӨ, 2018 йыл, 16 февраль. /«Башинформ» мәғлүмәт агентлығы, Галина Бахшиева/. Башҡортостан Хөкүмәте Lasselsberger GmbH «Әбйәлил районында ҡоро төҙөлөш ҡатышмаларын етештереү буйынса завод төҙөлөшөнөң беренсе этабы» өҫтөнлөклө инвестиция проектын ғәмәлгә ашырыу тураһында килешеүгә ҡул ҡуйҙы. Проект Урал аръяғын иҡтисади үҫтереүҙең урта сроклы комплекслы программаһы сиктәрендә тормошҡа ашырыу күҙаллана, тип хәбәр итә республика хөкүмәтенең матбуғат хеҙмәте.

Документҡа хөкүмәт премьер-министры урынбаҫары — Башҡортостан Хөкүмәте аппараты етәксеһе Илшат Тажетдинов, Lasseslberger GmbH компанияһы етәксеһе Йозеф Ласселсбергер, «Цемикс» яуаплылығы сикләнгән йәмғиәтенең генераль директоры Го Жан, Әбйәлил районы башлығы Рим Сыңғыҙов ҡул ҡуйҙы.

Ошо инвестиция проектын бойомға ашырыу Башҡортостандың Әбйәлил районында кәм тигәндә 220 эш урыны булдырырға мөмкинлек бирә. Планлаштырылған инвестициялар күләме 2,2 миллиард һумдан ашып китә. Артабан инвестициялар күләмен 14 миллиард һумға тиклем арттырыу һәм 500-гә яҡын эш урыны булдырыу күҙаллана.

http://www.bashinform.ru/news/1117743-v-abzelilovskom-rayone-bashkirii-postroyat-zavod-po-proizvodstvu-sukhikh-stroitelnykh-smesey/