Башҡортостан Хөкүмәте, Стратегик башланғыстар агентлығы һәм Внешэкономбанк араһында үҙ-ара эш итеү тураһында меморандумға ҡул ҡуйылды

Башҡортостан Башлығының матбуғат хеҙмәте

IMPORT Сервисный

ӨФӨ, 2018 йыл, 16 февраль. /«Башинформ» мәғлүмәт агентлығы/. Бөгөн «Сочи-2018» Рәсәй инвестиция форумы барышында Башҡортостан Хөкүмәте, Стратегик башланғыстар агентлығы һәм Внешэкономбанк араһында үҙ-ара эш итеү тураһында меморандум төҙөлдө.

Документҡа республика Башлығы Рөстәм Хәмитов, Стратегик башланғыстар агентлығының генераль директоры Светлана Чупшева һәм ВЭБ рәйесе Сергей Горьков ҡул ҡуйҙы. Ошо хаҡта төбәк етәксеһенең матбуғат хеҙмәте хәбәр итә.

Меморандум партнерлыҡ мөнәсәбәттәрен һаҡлауға һәм үҫтереүгә, яҡтарҙың инвестиция эшмәкәрлеге, оҙайлы һәм тотороҡло нигеҙҙә үҙ-ара файҙалы һәм һөҙөмтәле хеҙмәттәшлекте үҫтереүгә йүнәлтелгән.

Документ Башҡортостан Республикаһын социаль-иҡтисади үҫтереүҙең өҫтөнлөклө бурыстарын хәл иткәндә хеҙмәттәшлек итеүҙе, барлыҡ мөмкин булған үҙ-ара эш итеү механизмдарын файҙаланып, шул иҫәптән төбәк үҫеш институттары ҡатнашлығында республиканың иҡтисади, сәнәғәт һәм экспорт потенциалын нығытыуҙы күҙ уңында тота.

Республиканың Иҡтисади үҫеш министрлығы мәғлүмәте буйынса, ҡул ҡуйылған меморандум республикаға «Проектлы финанслау фабрикаһы» программаһында ҡатнашырға мөмкинлек бирә. Кисә Рәсәй Хөкүмәте Рәйесе Дмитрий Медведев форумдың пленар ултырышында ошо хаҡта әйтеп үткәйне. Проекттың асылы ВЭБ-тың сәнәғәт, энергетика, юғары технологиялар, юл инфраструктураһы өлкәһендәге перспективалы инвестиция проекттарына льготалы кредитлау рәүешендә ярҙам күрһәтеүенә ҡайтып ҡала. Финанслау схемаһы – 80/20, уның 20 проценты – предприятиеның акционер капиталы, 80 проценты иһә банктың заём аҡсаһы.

Стратегик башланғыстар агентлығы менән уңайлы инвестиция мөхитен булдырыу һәм эшҡыуарлыҡты алып барғанда административ кәртәләрҙе кәметеү йәһәтенән тығыҙ үҙ-ара эш итеү күҙаллана. Агентлыҡ федераль өҫтөнлөклө проекттарҙы һәм программаларҙы бойомға ашырыуҙа ярҙам күрһәтә, төбәктәге ярҙам сараларының һөҙөмтәлелеген баһалай.

http://www.bashinform.ru/news/1118208-podpisan-memorandum-o-vzaimodeystvii-mezhdu-pravitelstvom-bashkortostana-agentstvom-strategicheskikh/

#башҡортостан башлығы #килешеүҙәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.