Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-10 °C
Болотло
Бөтә яңылыҡтар
Иҡтисад
13 Февраль 2018, 17:41

Башҡортостан һанлы иҡтисадты үҫтереү процесында әүҙем ҡатнаша

автор
автор
ӨФӨ, 2018 йыл, 13 февраль. /«Башинформ» мәғлүмәт агентлығы, Галина Бахшиева/. Башҡортостан һанлы иҡтисадты үҫтереү процесында әүҙем ҡатнаша, тип белдерҙе бөгөн Әбйәлил районында барған Финанс өлкәһенең мәғлүмәт хәүефһеҙлеге буйынса Х Урал форумында республика хөкүмәте премьер-министры Рөстәм Мәрҙәнов.
«Бурысыбыҙ – төбәктә һанлы иҡтисад өлкәһендәге проекттарҙы тормошҡа ашырыу өсөн барлыҡ шарттар булдырыу. Бөтә тораҡ пункттарҙы юғары тиҙлекле интернет менән тәьмин итеү мөһим. Әлеге ваҡытта республикала интернет булмаған ошондай 44 пункт ҡалған», — тип хәбәр итте премьер.
Рөстәм Мәрҙәнов үҙенең сығышында билдәләүенсә, Башҡортостандағы барлыҡ социаль учреждениеларҙа интернетҡа сығыу мөмкинлеге бар.
Бынан тыш, төбәктә «ошо өлкәләге эштәр менән шөғөлләнгән» махсус кластер ойошторолған.
Республикала электрон белем биреү өлкәһендәге проекттар уңышлы ғәмәлгә ашырыла. Электрон белем биреүҙе үҫтереү буйынса Башҡортостан — илдә иң яҡшы төбәктәр иҫәбендә.
«Банк өлкәһендәге мәғлүмәт именлегенә арналған форум беҙҙең өсөн бик мөһим. Банктар һанлы иҡтисадта хеҙмәттәрҙе үҫтереү буйынса лидерҙарҙың береһе булып тора. Байтаҡ яңы технологиялар тәүҙә республикабыҙҙа әҙерләнгән. Башҡортостан киләсәктә лә ошо процеста әүҙем ҡатнашырға ниәтләй. Беҙ артабан да ошо проекттарҙы әүҙем бойомға ашырырға әҙербеҙ», — тип йомғаҡ яһаны республика хөкүмәте премьер-министры.
http://www.bashinform.ru/news/1116249-bashkiriya-aktivnyy-uchastnik-protsessa-razvitiya-tsifrovoy-ekonomiki/
Читайте нас в