Февралдең икенсе яртыһында Өфөлә иҫке күпер йүнәтелә башлана

ӨФӨ, 2018 йыл, 7 февраль. /«Башинформ» мәғлүмәт агентлығы, Ольга Мортазина/. Февралдең икенсе яртыһында Өфө – Аэропорт юлында Ағиҙел йылғаһы аша иҫке күпер йүнәтелә башлана, тип хәбәр иттеләр Өфө ҡалаһының Юлдар һәм яһалма ҡоролмалар төҙөү, йүнәтеү идаралығынан. Хәҙер белгестәр ғинуар уртаһында сатлама һыуыҡтар арҡаһында 14 сантиметрға асылған деформацияланған йөйҙәрҙе алмаштырыу буйынса авария-тергеҙеү эштәрен проектлай, әлеге мәлдә күпер тулыһынса ябылған.

Был ваҡытлыса саралар йөк күтәреү һәм хәрәкәт тиҙлеге буйынса сикләүҙәрҙе бөтөрөргә мөмкинлек бирмәй. Иҫке күперҙе яңыртырға тура килә.

«Гипростроймост» предприятиеһы вәкилдәре алда торған эштәр хаҡында һөйләне. Иҫке күперҙе йүнәтеүгә республика ҡаҙнаһы 200 миллион һум бүлгән. Ремонтланған йөйҙәр 2,5 йыл торорға тейеш.

Был ваҡыт эсендә күперҙәр араһында өс һыҙатлы ялғау төҙөү күҙаллана, ул ябылған иҫке күперҙе компенсациялаясаҡ. Уны тулыһынса һүтергә һәм яңынан тиерлек төҙөргә кәрәк, уға ла 2,5 йыл китәсәк. Яҡынса иҫәпләүҙәр буйынса, мәсьәләне хәл итеү биш йыл ваҡытты ала. Ялғауҙы төҙөүгә һәм күперҙе яңыртыуға 3 миллиард һумлап талап ителә.

http://www.bashinform.ru/news/1113465-vo-vtoroy-polovine-fevralya-v-ufe-nachnetsya-remont-starogo-mosta/