Төбәк Хөкүмәте Премьер-министры Ауырғазы районы үҫеше менән танышты

ӨФӨ, 2018 йыл, 5 февраль. /«Башинформ» мәғлүмәт агентлығы/. Эш сәфәре сиктәрендә Рөстәм Мәрҙәнов «Уңыш һөт фермалары» Ишле һөт-тауар комплексында булды, Талбазы ауылының Төньяҡ биҫтәһен тәртипкә килтереү барышы һәм төҙөлөшө менән танышты, яңы Сауҙа-сервис комплексын ҡараны.

Район үҙәгендә Премьер-министр 140 урынлыҡ «Аҡбуҙат» балалар баҡсаһы тәрбиәләнеүселәренә ҡунаҡҡа инде. Бында 1,5-8 йәштәге балалар өсөн һигеҙ төркөм эшләй. Уҡытыусылар мәктәпкәсә балаларҙы заманса үҫтереү программаларын индерә, спорт, музыка һәм инглиз теле түңәрәктәренә ҙур иғтибар бүлә. Логопед һәм лингафон кабинеттары бар. Хәүефһеҙлеккә айырым иғтибар йүнәлтелә – бина ҡеүәтле видеокүҙәтеү системаһы менән йыһазландырылған.

Рөстәм Мәрҙәнов шулай уҡ Терәпә ауыл биләмәһендәге Кесе Нуғаҙаҡ ауылында эре мөгөҙлө малды һимертеү буйынса яңы ферманы ҡараны, тип хәбәр иттеләр Башҡортостан Хөкүмәтенең матбуғат хеҙмәтенән.

http://www.bashinform.ru/news/1112743-premer-ministr-pravitelstva-bashkortostana-oznakomilsya-s-razvitiem-aurgazinskogo-rayona/