Башҡортостан Норвегия менән бәйләнештәрҙе нығыта

ӨФӨ, 2018 йыл, 2 февраль. /«Башинформ» мәғлүмәт агентлығы, Ольга Мортазина/. Башҡортостан Норвегия менән бәйләнештәрҙе яйға һала. Ошо көндәрҙә Өфөгә Норвегия-Рәсәй сауҙа палатаһының коммуникациялар буйынса директоры Рюне Мети килде, ул республиканың Иҡтисади үҫеш министрлығы башлығы Сергей Новиков һәм Мәскәүҙә Норвегия Короллеге илселеге ҡарамағындағы Innovation Norway бизнесты үҫтереү буйынса директоры Любовь Бычкова менән осрашты.

Осрашыуҙа ҡатнашыусылар нефть-химия кластерында, сәнәғәттең ағас эшкәртеү секторында, бәләкәй караптар төҙөү, балыҡсылыҡ, үҫемлекселек, һаулыҡ һаҡлау, IT, Осло — Өфө тура авиарейсын ойоштороу, туризм өлкәһендә берлектәге эшкә ҡыҙыҡһыныу белдерҙе.

Республикаға Норвегия бизнес-миссияһын әҙерләү (ул 2018 йылдың апреленә билдәләнгән), шулай уҡ Норвегия инвесторҙарын Башҡортостан иҡтисадына йәлеп итеү мөмкинлеге һөйләшеүҙәрҙең төп темаһы булды.

http://www.bashinform.ru/news/1111543-bashkortostan-nalazhivaet-svyazi-s-norvegiey/