2018 йылда төбәктә йәшәүселәр 71 дәүләт торлаҡ сертификатын алырға тейеш

ӨФӨ, 2018 йыл, 2 февраль. /«Башинформ» мәғлүмәт агентлығы, Ләйлә Аралбаева/. Рәсәйҙә «Рәсәй Федерацияһы граждандарын уңайлы торлаҡ һәм коммуналь хеҙмәттәр менән тәьмин итеү» дәүләт программаһы сиктәрендә дәүләт торлаҡ сертификаттарын сығарыу һәм бүлеү графигы раҫланған.

Дмитрий Медведев ҡул ҡуйған тейешле бойороҡ Рәсәй хөкүмәте порталында баҫылған.

2018 йылда Башҡортостанда йәшәүселәргә 71 дәүләт торлаҡ сертификаты ҡаралған. Чернобыль атом электр станцияһындағы һәм «Маяк» етештереү берекмәһендәге фажиғәләрҙә зыян күргәндәргә — 55 миллион һумдан ашыулыҡ 27 сертификат, күсеп килергә мәжбүр булғандарға — 35 миллион һумдан ашыулыҡ 16 сертификат, Алыҫ Төньяҡтан һәм уға тиңләштерелгән төбәктәрҙән килгән граждандарға — 20 миллион һумдан ашыулыҡ 11 сертификат, ябыҡ территориаль берәмектән күскәндәргә (Межгорье) 31 миллион һумдан ашыулыҡ 17 сертификат бүлеү ҡаралған.

Рәсәйҙә бөтәһе ете меңдән ашыу ошондай сертификат биреү күҙаллана. Социаль түләүҙәрҙең дөйөм суммаһы — 14,8 миллиард һум.

http://www.bashinform.ru/news/1111917-zhiteli-bashkirii-v-2018-godu-poluchat-71-gosudarstvennyy-zhilishchnyy-sertifikat/