Республикала «рәсми» вакансияларҙың уртаса эш хаҡы 26 мең һумдан ашҡан

ӨФӨ, 2018 йыл, 30 ғинуар. /«Башинформ» мәғлүмәт агентлығы, Галина Бахшиева/. Эш биреүселәрҙең республиканың мәшғүллек хеҙмәтенә тапшырған «рәсми» вакансияларының уртаса эш хаҡы 26 мең һумға еткән.

«Эш биреүселәрҙең күпселеге үтә түбән хеҙмәт хаҡы тәҡдим итә тигән фекер йәшәй, шуға күрә былтыр эш хаҡы 20 мең һумдан ашыуыраҡ булған вакансияларҙың яртылаш артыуын билдәләп үткем килә. Әгәр 2016 йылдың аҙағына төбәктә улар 14 меңдән артығыраҡ иҫәпләнһә, үткән йылдың аҙағына был күрһәткес 21 меңгә еткән. Республиканың вакансиялар банкындағы вакансиялар буйынса уртаса эш хаҡы бөгөнгә 26,1 мең һум тәшкил итә», — тип хәбәр итте төбәктең ғаилә, хеҙмәт һәм халыҡты социаль яҡлау министры урынбаҫары Фәнүр Шәйхисламов.

Уның һүҙҙәренсә, Башҡортостанда вакансиялар һаны ла арта. 2018 йылдың 1 ғинуарына республиканың вакансиялар банкында 43 мең эш урыны иҫәпләнгән. Был уҙған йылға ҡарағанда өстән бер өлөшкә күберәк.

http://www.bashinform.ru/news/1110156-srednyaya-zarplata-ofitsialnykh-vakansiy-v-bashkirii-prevysila-26-tysyach-rubley/