1 февралдә республикала ҡала яны поездарында юл хаҡы арта

ӨФӨ, 2018 йыл, 12 ғинуар. /«Башинформ» мәғлүмәт агентлығы, Дарья Петрова/. 2018 йылдың 1 февраленән Башҡортостанда ҡала яны поездарында юл йөрөү һәм йөк хаҡы арта. Башҡортостандың Транспорт һәм юл хужалығы буйынса дәүләт комитеты әҙерләгән республика Хөкүмәтенең ҡарар проекты әлеге ваҡытта кәрәкле килешеү процедуралары үтә.

Документ проектына ярашлы, сәфәр алыҫлығына ҡарамаҫтан тәүге 10 саҡрым өсөн юл хаҡы 20 һум тәшкил итәсәк (хәҙер ул 19 һум тора), унан һуңғы һәр саҡрым өсөн – ике һум (хәҙер 1,9 һум). Шул уҡ ваҡытта республика биләмәһендә пассажирҙар йөрөткән Башҡортостан ҡала яны пассажирҙар компанияһы, Свердловск ҡала яны компанияһы һәм «Берҙәмлек» акционерҙар йәмғиәте «иҡтисади һәм технологик маҡсатҡа ярашлы булыуҙан сығып», үҙаллы юл йөрөү хаҡын төшөрә ала, тиелә ҡарар проектында.

Электричкаларҙа ғәмәлдәге юл һәм багаж хаҡы 2015 йылдың аҙағында билдәләнгән.

http://www.bashinform.ru/news/1102360-s-1-fevralya-v-bashkirii-podorozhaet-proezd-v-prigorodnykh-poezdakh/