Рәсәй аграрийҙарына төҙөлгән килешеүҙәргә бәйле зыян ҡапланасаҡ

ӨФӨ, 2018 йыл, 9 ғинуар. /«Башинформ» мәғлүмәт агентлығы, Ольга Мортазина/. Рәсәйҙә ауыл хужалығы предприятиеларына ғәҙәттән тыш хәл арҡаһында зыян менән бәйле компенсация түләү ҡағиҙәләренең үҙгәреүе ихтимал. Рәсәй Ауыл хужалығы министрлығы ҡарар проектын әҙерләгән, унда түләүҙәр системаһын страховка килешеүҙәрен төҙөү буйынса әүҙемлек менән бәйләргә тәҡдим иткән. Атап әйткәндә, страховкаланған субъекттар – зыянды тулы күләмдә ҡайтарыуға (страховка түләүе һәм бюджет ярҙамы), ә уны төҙөмәгәндәр бюджеттан тик яртыһын (50 процент) ҡайтарыуға ғына иҫәп тота ала.

Әлегә документ Хөкүмәттә ҡабул ителмәгән. Аграр баҙарҙа эшләүсе страховкалаусыларҙың иғәнәләре 2017 йылда – 57 процентҡа 32 миллиар һумғаса, ә дәүләт ярҙамы менән страховкалау өлкәһендә 68 процентҡа 2 миллиард һумға саҡлы кәмегән, тип хәбәр итә «Крестьянские ведомости» баҫмаһы Милли агростраховкалаусылар союзы мәғлүмәттәренә һылтанып.

http://www.bashinform.ru/news/1101037-v-rossii-kompensatsii-ushcherba-agrariyam-privyazhut-k-zaklyuchennym-dogovoram-/