91.78
0
Башҡортостан һәм Өфө яңылыҡтары
98.03
0
83.66
+0.22
6+ °C
Ясна
Бөтә яңылыҡтар
Иҡтисад
20 Декабрь 2017, 10:23
Башҡортостанда эш хаҡы буйынса иң бай һәм ярлы тармаҡтар — статистика
Олег Яровиков
ӨФӨ, 2017 йыл, 20 декабрь. /«Башинформ» мәғлүмәт агентлығы, Галина Бахшиева/. Башҡортостанстат 2017 йылдың ғинуар-октябрь айҙарында төбәктең төрлө тармаҡтарында хеҙмәткәрҙәрҙең уртаса айлыҡ хеҙмәт хаҡы буйынса мәғлүмәттәрҙе хәбәр итте.
Статистар асыҡлауынса, Башҡортостанда иң юғары хеҙмәт хаҡын кокс һәм нефть продукттары етештереү менән мәшғүлдәр ала — айына уртаса 72 962 һум. Был 2016 йылдың ғинуар-октябрь айҙарына ҡарағанда 4,3 процентҡа аҙыраҡ.
Икенсе урында — ҡаҙылма байлыҡ сығарыу. Ошо өлкәлә уртаса эш хаҡы 49 388 һумдан ашыу йәки уҙған йылдың ғинуар-октябрендәге хеҙмәт хаҡы кимәленән 6 процентҡа күберәк.
Өсөнсө урынды «башҡа транспорт саралары һәм ҡорамалдар етештереү» һәм «финанс һәм страховкалау эшмәкәрлеге» өлкәһендә эшләгәндәр биләй — 42 492 һәм 42 405 һум. Үткән йылдың ошо уҡ осоро менән сағыштырғанда эш хаҡы 16 һәм 7,5 процентҡа артҡан.
Уртаса хеҙмәт хаҡы 40 мең һумдан ашыуыраҡ булған өлкәләр: «Химик матдәләр һәм химия продукттары етештереү» — 42 200 һум, шулай уҡ «Профессиональ, фәнни һәм техник эшмәкәрлек» — 41 188 һум.
Башҡортостанда иң түбән эш хаҡы алған өлкәләр түбәндәгеләр: «Тире иләү һәм күн әйберҙәр етештереү» — айына уртаса 11 200 һум, «Йыһаз яһау» — 14 200 һум, «Урмансылыҡ һәм ағас ҡырҡыу» — 16 315 һум.
«Башинформ» агентлығы хәбәр иткәнсә, ағымдағы йылдың ғинуар-октябрь айҙарында республикала хеҙмәткәрҙәрҙең, шул иҫәптән кесе эшҡыуарлыҡ ойошмаларындағы уртаса эш хаҡы 29 362 һум тәшкил итте. Был 2016 йылдың ошо уҡ осорона ҡарата 6,6 процентҡа күберәк. Былтыр ошо осорға реаль хеҙмәт хаҡы 3,3 процент булған.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».