Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-8 °C
Болотло
Бөтә яңылыҡтар
Иҡтисад
29 Ноябрь 2017, 14:31

Баш ҡалала трамвайҙар һәм троллейбустар хәрәкәте тергеҙелә

Олег Яровиков
Олег Яровиков
ӨФӨ, 2017 йыл, 29 ноябрь. /«Башинформ» мәғлүмәт агентлығы, Әлим Фәйезов/. Өфөлә трамвайҙар һәм троллейбустар хәрәкәте тергеҙелә. Ҡаланың муниципаль электр транспорты идаралығынан хәбәр итеүҙәренсә, бөгөн, 29 ноябрҙә, көндөҙгө сәғәт 2-лә Өфөнөң көньяҡ һәм үҙәк өлөштәрен хеҙмәтләндергән трамвайҙар һәм троллейбустар йөрөй башлай.
Идаралыҡ ваҡытлыса уңайһыҙлыҡтар өсөн ғәфү үтенә.
Башҡортостандың энергия һатыу компанияһы бурыс арҡаһында Өфөләге электр транспорты инфраструктураһын энергия менән тәьмин итеүҙе өлөшләтә сикләргә мәжбүр булды. Троллейбустар һәм трамвайҙар эше өсөн яуаплы предприятиеларҙың бурысы 200 миллион һумдан ашҡан.
Алдан хәбәр ителгәнсә, муниципаль электр транспорты идаралығының электр энергияһы өсөн бурысының бер өлөшөн республика хөкүмәте ҡаплай.
Читайте нас в