Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Иҡтисад
28 Ноябрь 2017, 10:30

Башҡортостан өс балалы ғаиләләргә ярҙамға федераль ҡаҙнанан аҡса ала

Олег Яровиков
Олег Яровиков
ӨФӨ, 2017 йыл, 28 ноябрь. /«Башинформ» мәғлүмәт агентлығы, Ғәлиә Нәбиева/. Башҡортостан демографик хәлде яҡшыртыу өсөн федераль ҡаҙнанан аҡса аласаҡ төбәктәр исемлегенә инде. Дмитрий Медведев тейешле бойороҡҡа ул ҡуйҙы. Финанс саралар демографик хәле насар булған төбәктәргә 2018 йылда өсөнсө йәки унан һуңғы бала тыуған ғаиләләргә ярҙам күрһәтеүҙе дауам итергә мөмкинлек бирәсәк, тиелә Министрҙар кабинеты сайтында. 2013-2017 йылдарҙа Программала дөйөм тыуым коэффициенты Рәсәй буйынса уртаса мәғәнәнән түбәнерәк булған (2016 йылда – 1,762) төбәктәр ҡатнашты, ә 2018 йылдан Программала был күрһәткес мәғәнәһе 2-нән артмаған Федерация субъекттары ҡатнаша ала.
Ошо критерийҙарға ярашлы, Рәсәй Хеҙмәт министрлығы 2018 йылда Программала ҡатнашыу өсөн Федерация субъекттарын һайлап алған. Ҡабул ителгән бойороҡ менән 2018 йылда өсөнсө йәки унан һуңғы бала тыуыу менән бәйле ғаиләләргә айлыҡ аҡсалата түләү ярҙамы буйынса сығым йөкләмәләре өҫтөмә финансланасаҡ субъекттар исемлеге раҫланған.
Был исемлеккә Федерацияның 60 субъекты ингән (2017 йылда – 50, 2016 һәм 2015 йылдарҙа – 53, 2014 йылда – 51, 2013 йылда – 50).
2018 йылда проектты тормошҡа ашырыу өсөн кәрәк буласаҡ дөйөм салар күләме 48,9 миллиард һум тәшкил итәсәк, шул иҫәптән 18,5 миллиард һум – федераль ҡаҙнанан һәм 30,4 миллиард һум – Федерация субъекттары ҡаҙналарынан.
Автор:Ғәлиә Нәбиева
Читайте нас: