Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Иҡтисад
15 Ноябрь 2017, 17:26

«Урал легендаһы» Өфө — Белорет поезы теҙмәһе билдәле булды

ӨФӨ, 2017 йыл, 15 ноябрь. /«Башинформ» мәғлүмәт агентлығы, Ольга Мортазина/. 17 ноябрҙә «Урал легендаһы» Өфө — Белорет поезы йөрөй башлай. Башҡортостан ҡала яны пассажирҙар компанияһынан хәбәр итеүҙәренсә, махсус электричка аҙнаһына өс тапҡыр — йома, шәмбе, йәкшәмбе көндәрендә юлға сыға. Билет 600 һум тора, пассажирҙарҙы тау саңғыһы базаһына тиклем автобуста алып барыу ҙа ошо хаҡҡа инә. Төбәктә льготаға эйә булғандарға һәм уҡыусыларға 50 процентлыҡ ташлама ҡаралған.
«Урал легендаһы» поезы өсөн Куйбышев тимер юлы 194 кеше һыйҙырышлы РА-2 сериялы өс вагонлы рельс автобустары бирҙе. Улар сымһыҙ интернет системалары һәм гаджеттарҙы зарядлау ҡулайламалары, биобәҙрәфтәр, уңайлы ултырғыстар һәм спорт инвентары өсөн кәштәләр менән йыһазландырылған», — тип һөйләнеләр Башҡортостан ҡала яны пассажирҙар компанияһында.
Теҙмә урындағы ваҡыт буйынса:
Өфө — 6.15
Дим — 6.29
Өршәк — 6.54
102-се саҡрым («Ассы» шифаханаһы) — 8.46
Инйәр — 9.08
Белорет — 10.55
Абҙаҡҡа автобус — 11.00.
Ҡуҙғалыу:
Абҙаҡтан: — 17.40
Белорет — 18.26
Инйәр — 20.06
102-се саҡрым («Ассы» шифаханаһы) — 20.43
Өршәк — 22.27
Дим — 22.52
Өфө — 23.08.
Ҡала яны поезына билеттарҙы Башҡортостан ҡала яны пассажирҙар компанияһы кассаһында һәм терминалында, шулай уҡ «Ҡала яны» мобиль ҡушымтаһы ярҙамында алырға мөмкин.