ӨФӨ, 2017 йыл, 13 ноябрь. /«Башинформ» мәғлүмәт агентлығы, Галина Бахшиева/. Ошо йылдың тәүге туғыҙ айында Башҡортостандың бөтә хужалыҡтарында ла тере ауырлыҡта 246 мең тонна мал һәм ҡош һуғымға оҙатылған. 925 миллион дана йомортҡа алынған. Һөттөң тулайым һауымы 1,358 миллион тонна тәшкил иткән. Был мәғлүмәттәрҙе төбәктең Ауыл хужалығы министрлығы килтерә.
Тауар һөтөн етештереүҙә лә ыңғай динамика һаҡлана. Дөйөм алғанда, ғинуар-сентябрҙә ауыл хужалығы предприятиеларында һәм фермер хужалыҡтарында 549 мең тонна һөт һауып алынған, тип билдәләй республиканың Ауыл хужалығы министрлығы.