Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
31 Октябрь 2017, 10:30

Башҡортостан Рәсәй Һаҡлыҡ банкына 2,5 миллиард һумға ике кредитын ваҡытынан алда ҡапланы

Карина Камаева
Карина Камаева
ӨФӨ, 2017 йыл, 31 октябрь. /«Башинформ» мәғлүмәт агентлығы, Галина Бахшиева/. Республика Финанс министрлығы Рәсәй Һаҡлыҡ банкына дөйөм 2,5 миллиард һумға ике кредитын ваҡытынан алда ҡапланы. Бынан тыш, улар буйынса 15,8 миллион һумға проценттар түләнде.
2017 йылдың туғыҙ айы йомғаҡтары буйынса республика бюджетын профицит үтәүгә күрә кредиттарҙы ваҡытынан алда ҡаплап булды.
Төбәк Хөкүмәтенең матбуғат хеҙмәтендә хәбәр итеүҙәренсә, кредиттар йылына 8,52 процент ставкаһы буйынса 2013 йылдың декабрендә алынғайны һәм уны ҡаплау ваҡыты 2018 йылдың 3 авгусына тиклем ине.
Башҡарылған операцияларҙы иҫәпкә алыу менән республиканың дәүләткә бурысы октябрҙең аҙағына йыл башы кимәленә ҡарата 25,6 процентҡа кәмеп (23,6 миллиард), 17,5 миллиард һум тәшкил итә.
Автор:Галина Бахшиева
Читайте нас: